Ինչպես վարվել «պատժիչ» կարծիքի հետ

Հյուրընկալողները պետք է անհանգիստ չլինեն հյուրին ընդունելիս և չմտահոգվեն «պատժիչ» կարծիք ստանալու հնարավորության մասին։ Դուք կարող եք պահանջել հեռացնել այն կարծիքները (օրինակ՝ որևէ «պատժիչ» կարծիք), որոնք, ձեր կարծիքով, հակասում են մեր Կարծիքների վերաբերյալ քաղաքականությանը։

«Պատժիչ» կարծիքները կողմնակալ կարծիքներ են, որոնք հյուրերը կարող են թողնել այն բանից հետո, երբ հաղորդեք կանոնների լուրջ խախտման մասին, օրինակ՝

• ձեր սեփականությունը վնասելը
• ամրագրման ժամկետի ավարտից հետո մնալը
• ձեր տան ստանդարտ կանոնները խախտելը
• ձեր տարածքում չարտոնված երեկույթ կամ միջոցառում կազմակերպելը

Ենթադրենք՝ հյուրը ծխում է ձեր տանը՝ հակառակ տան կանոնների։ Դուք հյուրին ասում եք, որ ծխախոտի մնացուկներ եք գտել հյուրասենյակում, և ներկայացնում եք մանրազնին մաքրման համար փոխհատուցման հայտ։ Ի պատասխան՝ հյուրը հրաժարվում է վճարել և թողնում է զայրացած կարծիք։ Դուք կարող եք վիճարկել այս կարծիքը, և մենք կուսումնասիրենք՝ պարզելու, թե արդյոք այն համապատասխանում է հեռացման պահանջներին։

Ինչպես պահանջել կարծիքի հեռացում

Կարծիքի հեռացման պահանջը չի երաշխավորում, որ այն կհեռացվի։ Ձեզնից կպահանջվի ցույց տալ, թե ինչու կարծիքը չի համապատասխանում Կարծիքների վերաբերյալ քաղաքականությանը։ Դուք հնարավորություն կունենաք տրամադրելու կանոնների խախտման վերաբերյալ մանրամասներ և ապացույցներ, օրինակ՝ լուսանկարներ կամ հյուրերի հետ նամակագրությունը։

Ձեր ապացույցները պետք է փաստեն, որ տեղի է ունեցել կանոնների ակնհայտ խախտում։ Պետք է նաև պարզ լինի, որ կանոնների խախտման մասին Airbnb-ին և (կամ) հյուրին հաղորդելն է, ամենայն հավանականությամբ, հանգեցրել «պատժիչ» կարծիքի։

Խորհուրդ ենք տալիս հյուրերի հետ ունեցած ամբողջ նամակագրությունը պահել «Հաղորդագրություններ» ներդիրում, որպեսզի Airbnb-ի աջակցման թիմը կարողանա հեշտությամբ ուսումնասիրել այդ ապացույցները։

Ըստ հյուրընկալողների՝ «պատժիչ» կարծիքների վերաբերյալ մեր քաղաքականությունն իրենց օգնել է վստահորեն հյուրընկալել։ Հյուրընկալող Լիանն ասում է, որ իր տարածքի մասին մի «պատժիչ» կարծիք «արագ գնահատվել և հեռացվել է հայտ ներկայացնելուն պես։ Ես իսկապես զգացի Airbnb-ի աջակցությունը»։

Այս հոդվածում պարունակվող տեղեկությունները կարող են փոխված լինել հրապարակումից հետո։