Ինչպես ստեղծել արդյունավետ հայտարարության էջ

Հայտարարության էջը պոտենցիալ հյուրերի ուշադրությունը գրավելու ձեր առաջին հնարավորությունն է։ Վերնագրի, նկարագրության, լուսանկարների և հարմարությունների միջոցով օգնեք հյուրերին հասկանալ, թե ինչ է առաջարկվում ձեր տարածքում։

Որպես հյուրընկալող՝ դուք եք որոշում, թե երբ և ինչպես հյուրերը կարող են ամրագրել ձեր տարածքը։ Բծախնդրորեն ընտրեք օրացույցի և ամրագրման կարգավորումները, որպեսզի հյուրընկալեք ձեր ուզած ձևով ու նաև խուսափեք ոչ անհրաժեշտ չեղարկումներից։

Այս գործառույթներից մի քանիսը ներառում են.

• Օրացույցի կարգավորումներ. մշտապես արդիական պահեք օրացույցը՝ արգելափակելով ամսաթվերը, երբ չեք հյուրընկալում, և սահմանելով ամրագրման ենթակա գիշերների նվազագույն և առավելագույն թվերը։

• Ամրագրման հայտ. այս գործառույթը թույլ է տալիս ամրագրման հայտին ծանոթանալ նախքան այն ընդունելը։ Անպայման 24 ժամվա ընթացքում պատասխանեք հյուրին։

• Ակնթարթային ամրագրում. հյուրերը հաճախ են որոնում ակնթարթային ամրագրման հնարավորությամբ հայտարարություններ, որպեսզի կարողանան տարածքն ամրագրել առանց նախնական հաստատման։ Այն միացնելը նշանակում է, որ պատրաստ եք հյուրընկալելու բոլոր նրանց, ովքեր համապատասխանում են ձեր ամրագրման չափանիշներին, ինչը անկանխակալ հյուրընկալող լինելու կարևորագույն պայման է։

Տրամադրեք կարևոր մանրամասներ։ Դրանք առանձնացնում են ձեր հայտարարությունն ու ձևավորում են հյուրերի ակնկալիքները։

• Գրեք մանրամասն նկարագրություն։ Փորձեք վերնագրում և նկարագրությունում ներկայացնել, թե ինչ պետք է հյուրերն իմանան ձեր տարածքի մասին։ Օրինակ՝ փոքրիկ ծովափնյա տարածք ունեցող հյուրընկալողը կարող է իր հայտարարության վերնագիրը գրել այսպես՝ «Լողափնյա հանգստի հարմարավետ վայր»։ Ձևակերպումները պետք է լինեն անկանխակալ, որպեսզի պարզ լինի, որ ընդունում եք հյուրերի՝ առանց որևէ խտրականության։

• Նշեք ձեր հարմարությունները։ Պահանջված հարմարություններ են Wi-Fi-ը, ինքնուրույն ժամանումը, նոթբուքով աշխատելու տեղը, անվճար կայանատեղին և տնային կենդանիների համար հարմար տարածքը, այնպես որ անպայման նշեք, թե ինչ եք առաջարկում։

• Տրամադրեք ձեր տան կանոնները։ Դրանք ակնկալիքներ են ձևավորում հյուրերի համար և պատկերացում տալիս ձեր հյուրընկալման ոճի մասին։ Պոտենցիալ հյուրերին տան կանոնների միջոցով հայտնեք կարևոր տեղեկություններ (օրինակ՝ ծխելու արգելքի մասին)։

Տարածքի լուսանկարները կարող են պատկերացում տալ ձեր անհատականության ու ոճի մասին։ Հաճախակի թարմացրեք դրանք, որպեսզի ճշգրտորեն ներկայացնեք, թե ինչ եք առաջարկում տվյալ պահին։

• Ցույց տվեք այն ամենը, ինչից կարող են օգտվել հյուրերը։ Վերբեռնեք յուրաքանչյուր սենյակի՝ տարբեր դիտանկյուններից արված մի քանի լուսանկար։ Արհեստական բանականությամբ աշխատող գործիքը կօգնի դրանք դասավորել սենյակ առ սենյակ և ստեղծել վիրտուալ շրջայց։

• Ավելացրեք յուրաքանչյուր սենյակի վերաբերյալ կոնկրետ մանրամասներ։ Սա ներառում է քնելու, անձնական իրերի պահպանման, հատուկ հարմարությունները և պայմանները։ Ուշագրավ մանրամասներ նշելու համար օգտագործեք մակագրեր։

• Ընտրեք շապիկի լուսանկարը։ Հյուրերը որոնման արդյունքներում նախ տեսնում են հայտարարության վերնագիրն ու շապիկի լուսանկարը։ «Երբ Airbnb-ում տարածք եմ փնտրում, ես միշտ սկսում եմ լուսանկարներից։ Այնպես որ, մտածեք այն մասին, թե ինչով է ձեր տարածքը տարբերվում մյուսներից»,- ասում է Քանդիդան, որը հյուրընկալում է Կալիֆոռնիայի Ջոշուա Թրի քաղաքում։

Երբ սկսեք հյուրընկալել, աշխատեք մշտապես արդիական պահել ձեր հայտարարությունը։ Նկարագրությունը և լուսանկարները պետք է հյուրերին պատկերացում տան առաջարկի մասին՝ միաժամանակ ընդգծելով, թե ինչ յուրահատուկ բան կա ձեր տարածքում։

Այս հոդվածում պարունակվող տեղեկությունները կարող են փոխված լինել հրապարակումից հետո։