Ինչպես առաջարկել 5 աստղանի տարածք

Համոզվեք, որ ձեր տարածքի նկարագրությունն ամբողջական և ճշգրիտ է։

• Մի չափազանցրեք։ Ներկայացրեք առանձնահատկությունները՝ սկսած ջակուզիից կամ բուխարուց, վերջացրած ճռճռան հատակով կամ փողոցի աղմուկով։

• Վերբեռնեք բարձրորակ լուսանկարներ և նշեք տարածքի նկարագրության մեջ եղած հնարավոր խնդիրները լուսանկարների ենթագրերում։ Ավելացրեք յուրաքանչյուր սենյակի կամ տարածքի երկու-երեք լուսանկար՝ ներառելով բոլոր լավագույն հարմարությունները։

• Մի օգտագործեք գերլայնանկյուն օբյեկտիվ կամ չափից ավելի մի փոփոխեք լուսանկարները, որպեսզի սենյակները չերևան ավելի մեծ կամ պայծառ, քան իրականում են։

Հիշեք, որ ձեր տարածքում մնացող հյուրերը միայն ձեզ կարող են դիմել։

• Եղեք նախաձեռնող և համոզվեք, որ հյուրերին տրամադրել եք անհրաժեշտ ամեն ինչ նախքան ժամանելը, օրինակ՝ ցուցումներ, թե ինչպես հասնել և մուտք գործել տարածք։

• Հնարավորինս արագ պատասխանեք հյուրերի հաղորդագրություններին։

• Հաղորդագրություններում խուսափեք խտրականության տարրեր օգտագործելուց․ դա կարևոր է ցանկացած հյուրի ողջունելու համար։

• Օգտագործեք Airbnb հավելվածը և գործիքները, օրինակ՝ արագ պատասխաններն ու պլանավորած հաղորդագրությունները, որպեսզի շփումն ավելի հեշտ լինի։

• Ժամանման ցուցումներն ուղարկեք առնվազն 24 ժամ առաջ, որպեսզի հյուրերը ժամանակ ունենան դրանք կարդալու և հարցեր տալու։ Սա հատկապես կարևոր է հատուկ կարիքներ ունեցող հյուրերի համար։

Երբեմն չորս և հինգ աստղանի կարծիքների տարբերությունը մանրուքներին ուշադրություն դարձնելու մեջ է։

• Ամենակարևորը մաքրությունն է։ Համոզվեք, որ բոլոր մակերևույթները, հատակը և գործվածքները մաքուր են։ Մաքրելուց հետո փնտրեք մազեր կամ կեղտի ու փոշու որևէ նշան։ Նույնիսկ եթե տարածքը չափազանց լավն է, այն պետք է կատարյալ մաքուր լինի՝ հինգ աստղանի կարծիք ստանալու համար։

• Անհատականության տարրեր ավելացրեք՝ ողջույնի գրառում թողնելով կամ ողջույնի հաղորդագրություն ուղարկելով հավելվածում։

• Այնպես արեք, որ ձեր տարածքում հյուրերը զգան իրենց ինչպես տանը։ Օրինակ՝ եթե այն ունի խոհանոց, ավելացրեք կաթսաներ և թավաներ, գդալների հավաքածու և խոհանոցային այլ հիմնական պարագաներ։

• Մեծ նշանակություն ունեն փոքր մանրուքները, օրինակ՝ բազմոցի վրա ծածկոց թողնելը կամ սուրճ կամ թեյ տրամադրելը։

Հյուրընկալողների համար սահմանված հիմնական կանոնների համաձայն՝ չպետք է չեղարկեք հաստատված ամրագրումները։ Եթե չեղարկումն անխուսափելի է, արեք դա հնարավորինս շուտ։ Դիմեք Airbnb-ին, եթե օգնության կարիք ունեք։